Занимливости

Змија отровница нападна девојче, но нејзиното куче ја спаси и се бори за живот

Пред неколку месеци семејството Де Лука од Флорида го спасиле германскиот овчар Хас од шинтерската служба.
Набргу Хас ја возвратил услугата!
7-годишната Моли си играла во дворот со Хас, кога се случило нешто страшно. Во дворот влегла змија отровница и се приближила до Моли.
Без двоумење, Хас скокнал пред Моли и ја заштитил од змијата. На семејството не им било сосема јасно што се случило, но веднаш забележале дека нешто му се случува на кучето.
Тоа крварело и веднаш го однеле на ветеринар.
Доња Де Лука изјавила:
„Тој продолжи да скока напред-назад…и го стори тоа три пати. Можеше да избега, но не го стори тоа.“
Кучето се поставило меѓу девојчето и змијата, спасувајќи го животот на детето.
Ветеринарите му ја избричиле ногата и забележале траги од три загризи од змијата.
Отровот му ги оштетил бубрезите, но докторите верувале во негово закрепнување.
Трошоците за лекувањето не се евтини.
Секој ден во ветеринарниот центар ќе ги чини меѓу 1000 и 1500 долари, а трошокот за антиотровот чини 618 долари.

Семејството поставило GoFundMe страница со цел да соберат средства за лекување на пожртвуваното куче. Целната сума изнесувала 28 000 долари, но досега успеале да соберат речиси двојно повеќе.

Како и да е, кучето ја заслужува сега грижа и нега, бидејќи уште еднаш докажало дека кучето е најдобар пријател на човекот.