Еве одговор на некои прашања и дилеми кои се поврзани со рибите и водата во аквариумите:
Во аквариумите покрај несаканите остатоци кои се видливи со голо око, постојат и невидливи, во форма на нитрати и фосфати . Тие се штетни за рибите и ги прават повеќе подложни на болести. Зголемувањето на нитрати ќе го забави растот на вашите млади риби, а исто така може да влијае на оштетување на репродуктивната функција кај возрасните риби.
Нитратите, исто така, влијаат на развојот на алгите. Фосфатите имаат сличен ефект . Промената на водата е најдобар начин да се одржи ниско нивото на нитрати и фосфати.
Но за жал отпадоците не се единствената причина зошто треба да се менува водата. Минералите се од големо значење за здравјето на вашите риби , и стабилен хемиски состав на водата.Поради тоа редовната промена на вода во аквариумите може да се спореди со давањето на витамини на децата кои влијаат за одржувањето на здравјето и силата .
Колку често треба да се менува?
Промената на водата треба да биде дел од редовното одржување на аквариумот. Колку често трeба да го правите тоа зависи од многу фактори. Послабо опременетите аквариуми бараат почесто менување на водата, отколку подобро опременетите аквариуми.
Препорачливо е да се променува 10-15 % од водата секоја недела. Ако имате послабо опремен аквариум, треба да се смени 20 % од водата еднаш неделно .Некои луѓе мислат дека додавањето на вода е доволно за да се исчисти аквариумот. Сепак, додавањето на вода не го отстранува ѓубрето, па немој да мислите дека ако додадете вода во веќе постоечката вашиот аквариум ќе биде чист.
Еве неколку совети за промена на водата кои треба да ги разгледате:
• Водата треба да одстои најмалку дваесет и четири часа – на овој начин ќе се расложат растворените гасови кои можат да бидат многу опасни за рибите. Исти така ќе и овозможи на pH вредноста во водата да се стабилизира.
• Исчистете го и песокот – Кога ја менувате старата вода добро измијте ја и песокта на тој начин ќе се ослободите од некои отпадоци.
• Чистете го и филтерот – Филтерот е друга локација каде што бактериите растат. Па мудро би било доколку филтерот го чистите помеѓу две менувања на водата.
English